Ray Online｜林素蔚患眼皮炎 自爆首次素颜出席立法会大会
- 国际
- 2024-11-10
- 957
- 更新：2024-11-09 20:49:01
Ray Online｜林素蔚患眼皮炎 自爆首次素颜出席立法会大会平时冇戴眼镜嘅立法会议员林素蔚，噚日开会嗰阵突然改变形象，戴返副眼镜，望落仲好似比较朴素喎。原来佢患上咗眼皮炎，自爆噚日係第一次戴眼镜兼素颜出席立法会会议呀。林素蔚噚日喺社交网站分享突然眼痛，以为係隐形眼镜有问题，点知戴唔到隐形眼镜之余，仲要去搵注册视光师检查下。视光师经过唔同嘅眼科仪器检查之后，发现林素蔚患上眼皮炎，睇嚟未来几日都要戴眼镜加埋素颜见人啦。Ray Online｜林素蔚患眼皮炎 自爆首次素颜出席立法会大会认为视光师可分流轻症近年政府提倡基层医疗，林素蔚借呢个机会提到视光师正正係基层医疗服务嘅重要一员，佢哋曾经接受大学眼科视光学本科训练，可以透过仪器检查瞳孔、眼压、用萤光剂检查眼角膜等，亦可以做诊断，非常专业。林素蔚觉得如果可以容许视光师帮市民检查，分流轻症，可以大大舒缓公立医院眼科轮候时间。原文刊登于 AM730 https://www.am730.com.hk/本地/ray-online-林素蔚患眼皮炎-自爆首次素颜出席立法会大会/504982?utm_source=yahoorss&utm_medium=referral其他人也在看